فى اى بلد محترمه.. بيطلع دين ام رئيسها علشان يعدل فقره او بند او سطر من الدستور ... فى بلاد بتاخد سنين وسنين علشان يشيلوا نقطه او يحطوا فصله فى احدى فقرات دستورها ... اتذكر ان الموكوس بتاعنا هنا بوش افندى علم الغزل.. بقاله اكثر من 6 سنين عاوز يحط تعديل على قانون المعاشات ...لكن الكونجرس مطلع دين ابوه .. كل ما يحاول يفبرك القانون .. يطلع له ميت عفريت.. لكن فى مصر التى فى خاطرى ... عصابه احمد فتحى سرور ...وافقوا وبالاجماع باكثر من 315 صوت انهم يغيروا نصف الدستور علشان الوريث ... والحق اقول انى اشعر بالخزى والعار لانى لا اعرف دستور بلدى الام ...واحفظ عن ظهر قلب دستور بلد المهجــر ... والعيب مش فى انا لانى حاولت ادور على دستور مصر التى فى خاطرى ..بس لقيت التعديلات اكثر من الدستور نفسه
فتجد مثلا تعديل بتاع
دستـــورنا ستايره حرير
من نسمه شوق بيطير
وفى تعديل آخـــر كان حصل عليه مظاهرات .. آلا وهو
يا طالعه من باب الدستــور .. .وكل خد عليه خوخه
ونجد التعديل اللى جنن الشعب بكل فصائله ... وهذا هو تعديل
دستور وحياتك دستور ...ولاخر الاسبوع دستور
وكانت خاتمه الكلام وعبير التغيرات والتعديلات
إش إش إش ... عُمر ك شوفتش دستور باربع عجلات كوتش
مبروك عيك يا زين يا عم السواقين
عقبال لما تسدد ... القسط والتأمين
28 رأى:
ايه يا عم رأفت؟ الدستور مضايقك في ايه بس يا عم الحج؟ طب انا حتي سمعت ان الدستور مريح جدا بس التعديلات لازم نمشي فيها شوية الأول وبعدين حتوسع لوحدها
دستور يا سيادنا
هوا فعلا احنا عندنا دستور انا فاكرة ان حسنى بيحكم كده بالبركة زى ما تيجى تيجى
مبروك على البلوج الجديد بتاع الاغانى
مستنية الافتتاح
هههههههههههههه
دستورك معاك يا خويا
وعلى راى المثل
يا واخد الدستور على ماله
يروح الدستور ويبقى القرد على حالو
هههههههههههههههه
وطبعا كلنا عارفين مين القرد اللى هيفضل على كرسى العرش مع حذف النقط من على الشين هههههههههههههههه
وربنا يكملنا بعقلنا فى البلد دى
العزيز المهاجر
دستور يااااه الكلمة دى لما سمعتها اول مرة كانت فى مادة اسمها التربية القومية واحنا فى اعدادى تقريبا او ثانوى مش فاكرة
لكن بعد كده ورد ذكرها كتير قوى من غير ما يقولوا الكلمة دى يندرج تحتها ايه
يعنى مفيش بمعنى اخر كتيب فيه دستور البلد علشان نعرف من الاصل ايه هى بنود الدستور علشان لما يعدلوه نعرف هى كان ايه وبقت ايه
المصيبة الكبيرة ان فى ناس اساسا مش عارفة يعنى ايه دستور غير دستور يا سيادنا لو حد خالع راسه يلبسها
فطبعا من حقهم يغيروا ويعدلوا هو حد من الاصل عارف حاجة
واللى عارف يوم ما بيتكلم بيتقبض عليه ويطلعوا كل مفاهيم الدستور عليه علشان يحرم يفهم تانى
دستور يا بلدنا دستور
وحياتك يا رأفتاني
حصلت في مجلس الشعب اللي قبل اللي فات اجتمع اكتر من 118 نائب علي الموافقة باقتراح احدي النايبات بتعديل فقرة في القانون وتحويل الفصلة اللي موجودة في البند الي نقطة واعتبار الكلام اللي بعده علي انه فقرة منفصلة
وشالله يا دستورنا
واللي بيته من ازاز مش يحدف الناس بالدستور
وهبقي اسلملك علي فتحي شرور قصدي سرور
دستور الهنا يا دستورنا
كل ما رئيس يجلنا نوسعله حته هوا كان التوسيع بفلوس يعني
طيب ايه رايك بقي ان حتي لو الدستور لسه بيقول ان الرئيس يقعد مدتين بس في الحكومه كان برضه هيقعد حسني مبارك لحد دلوقتي هوا الدستور ده بقي ليه لازمه دلوقتي ده حتي بيفكروا يطبعوا منوا نسخ جديده بعد التعديل و هيتوزع علي ابواب التواليتات خلاص
حاجه تقرف بجد كل واحد لازم يجي يتنيل يلعب في الدستور زي ما يكون بيغير سطرين في خطاب هيقوله
تحياتي
ايه ياعم الحلاوة دي انت بتجيب الافكار الحلوه دي منين... دستور ياهل الدار ياساتر تعالى اُدخل...اعملى شاى يابهيه الراجل جي تعبان. يابهيه انت فين يابنت ...خش تعالى ...مين زعللك؟؟ الدستور؟ هم خلاص دلعوه وبقى دستور؟ ماهو كان ياعم طول عمره قانون طوارئ هو كبر وبقى دستور -ومازالت حاله الطوارئ مُعلنه؟؟؟ فهمونى والنبى
تحيات إسكندراني فى بلاد الله الواسعه
انت بتقارن بلد حضارة ال 7000 سنة
ارض الفراعنة
بناس حضارتهم متجيش من 300 سنة
ازاي يعني تقارن عبقرية الفراعين بجهل الامريكان
طبيعي ان نكون اسرع منهم في اتخاذ القرار
و ان يتفق 319 نائب علي الموافقة
انت غريب قوي
هههههههههههه
فعلا والله عندك حق
دستور الهنا ياريتني كنت انا
المصيبه يا اخويا المهاجر مش في الدستور لااااااا
في اللي حيحصل بعد الدستور
ووفقا للدستور
وسندا للدستور
ودستور يا بلادي دستور
عمـــــــــر
فينك يا عم الحاج..ابقى اسأل يا وريث.
المهم الدستور اللى انت بتقول عليه ده مقاس كام؟؟؟
--------------------------------
--------------------------------
ما علينا
والله يا ستى طلع عندنا دستور..بس متكعبل خالص..ابقى روح دورى على نسخه وشوفى التعديلات اكثر م الاصل..
الاغانى للرافتانى بس يا دكتوره..يعنى مفيش افتتاح..هههه
--------------------------------------------------------------------
نـــــورا
ايه اخبار اسكندريه..واخبار الحفر والهدم..شارعنا لسه موجود؟؟؟
حلوه قاوى يا واخد الدستور على ماله دى..ايوه كده اتجلى وطلعى اللى عندك
---------------------------------------------------------------------
توتا
التربيه القوميه دى غير ماده التربيه الوطنيه؟؟؟
لو قريتى الدستور ع الورق هتلاقيه حلو اوى..بس التعديلات مسخه شكله ومعناه
----------------------------------------------------------------------
سمـــــــرا
انا مش عارف ايه دماغك فى انك تتفرجى على مجلس الشعب..اتهيأ لى انت الانسانه الوحيده اللى اعرفها وبتتفرج على مجلس الشعب..
هههههههه
ما تزعليش نفسك ..
-------------------------------------------------------------------
عبد الله
مش احنا عاوزين انتخابات حره نزيه ومش عاوزين توريث..
التعديلات الجديده بتفصل المرشح الجديد..يعنى م الاخر مفيش حد هيعرف اصلا يترشح غير اللى عليه القصد والنيه
--------------------------------------------------------------------
استاذ ممدوح
الحقيقه هو قانون الطوارئ ده سبب البلاوى اللى احنا فيها..
لان بهذا القانون ..اخذت الشرطه وبلطجيه الداخليه صلاحيات فوق الحد..
ولنا الله..
ديمقراطيه الصالونات اللى بيتكلم عنها..سوف تزول
وربك هيعدلها ان اشاء الله
---------------------------------------------------------------------
نهــــــــاز
عندك حق..احنا اسرع فى كل حاجه
ده احنا ممكن نفتح مجلس الشعب بالليل لو مزنوقين فى قرار
--------------------------------------------------------------------
مجهـــــــــــــــول
طبعا يا صديق..ما بعد التعديلات هى المصيبه الكبرى
يعنى اى بلوى هتحصل..هيقولو كلا وفقا لمبادئ الدستور
وعليه العوض ومنه العوض
تعديلات الدستور مش عجباك يا رافت
ليه يمكن عشان
الغاء الاشراف القضائي على الانتخابات جعل الاشراف امني و لايمكن عشان قانون الإرهاب الخاص بالقبض والتفتيش وانتهاك حرمة المسكن أو انتهاك حرمة الحياة الخاصة ومراقبة الاتصالات والمكاتبات.. وخلافه
دون اشتراط إذن قضائي
و لا يمكن عشان المستقلين اتحرمو من الترشيح قدام طويل العمر و لا جايز عشان الغاء الماده الخاصه بفتره الرئاسه
لا لا يا رافت ملكش حق
عييييييييييييييييييب
دا كلام يا راجل
ميــــــــمو
بلا تعديلات بلا عدلات بلا فتكات
انت اصلا جيه تخنقونى..
عاوزه حريقه وتكبى عليها جاز..
ايوه يا ختى مش عجبانى التعديلات..
هو انا صلا عارف ايه اللى بتعدل علشان تعجبنى التعديلات
يا سيدي الفاضل
احنا اصلا ماعندناش دستور عشان ينعدل ولا ينقلب
دول شوية ورق
كل ريس يحب يعمل راجل على البلد
يروح مغير الدستور
يظهر بيبقوا عارفين ان التاريخ هينساهم وعايزينه يفتكرهم باي حاجة
عشق مريض في الخلود
وبعدين مش كتير على اللي بيتعامل مع البلد على انها عزبة ابوه
انه يغير شوية كلام على الورق
هو يعني حد خسران حاجة
ما هو كله كلام
ما هو من قهري يا خويا بتفرج علي مجلس الشعب
اصل عقبال عندك كل حاجة عندنا سهلة
المواصلات سهلة والحياة بيس يا مان
فالفراغ بقي وانت عارف بيجبرني اتفرج
هو انا جالي الضغط من شوية
حسبي الله ونعم الوكيل
bluestone
والله يا ستى اذا كان الناس دول قلقانين ان التاريخ هينساهم وعلشان كده بيعدلو الدستور.فهم غلطانين خالص...لانهم المفروض يطمنوا خالص من الناحيه دى..حاكم احنا شعب قلبنا اسود بنشيل وما بننساش...فالتاريخ فاكرهم من اوسع ابوابه..من اول سرقه البلد ونهبها لحد يا طالعه من باب الدستور
-----------------------
----------------------
سمرا
المفروض ما تتفرجيش على جلسات مجلس الشعب خالص..
ولا ده لزوم الروشنه؟؟؟
غلط على اعصابك وانت ست صاحبه عيا..عاوزين يخلصوا منك
ههههههههه
يوم الاستفتاء هيبقي نص يوم بقول لمديري انا لازم اروح استفتي حضرتك هتسيبنا نروح يومها
قالي لا هما هيستفتوا لنا
عارف اني هزوغ انام في بيتنا
والله يا رأفت يا خويا النهاردة عشان عيد الام ادوا الحريم نص يوم مشيوا 12 انا مشاني 4 و نص و بيقولي اية قعدك لحد دلوقت
المهم انا عن نفسي مش هستفتي و اصلا معنديش بطاقة انتخابية
ana 3agabteny awy el kasedah deh le (( Iman Bakry )) we ya rab te3gbkoom we sorry 3ala el etalah ya Ra2fatany :):)
دستور يا أسيادنا
*************
دستور يا اخوانا يا بعدا
لأ سوري دستور م البعدا
محبوس حابس يا سيادنا
و بكاكي من فوق مدنة
و ورايا ديوك بيكاكو
حرصوا عالباقي معاكو
بركة مولانا هولاكو
حلت و علينا اللعنة
طرطور طرطر طراطير
بيغروا فالدساتير
و لا عاد فالحتة كبير
و يا وارث تورث مين
ما الورث إتباع و إتبعنا
نرجع تاني لموضوعنا
و بيان لديار الإفتا
من جمهورية زفتا
لعبو و عملوها إستفتا
صوت ياللي سامعنا
و قوللي ملك ولا كتابة
أسد شبل ف الغابة
و احلف وحياة راس بابا
زفة فمولد كدابة
و الله يجازي اللي خدعنا
للجوكر ألف تحية
ملعون خاش الحرية
يحيا قانون العبودية
و القوانين الوضعية
و الحكومات الشمولية
لها مني ألف تحية
وحياة أمي دي رجعية
و لو صوتنا و جعجعنا
واحد ولافيش غير هوه
قاعد متربع جوة
و بكيفك أو بالقوة
لو سوبر مان و فتوة
روح قله بقى يودعنا
عصابات شغل فتوات
و إستعباط على حركات
و السقا أبوه لو مات
حيقوم يسقي الشربات
و يكمل على مواجعنا
مزيكة و تراباتتو
و نفديك بالدم.. إفدوه
بس إحنا ورحمة أبوه
مين ده اللي حيلوي دراعنا
روح هاتلي لمون بالصودا
انا حاسة بريحة شوطة
حيصعدوا فصل الروضة
و الورث حيصبح موضة
لم الجدعان و اتبعنا
على قهوة ساقية مكي
نصرخ نلطم و حنبكي
ده ناويها و بيتكتكلي
قبل ما حتى يودعنا
ظقططوا يا عيال قولوا هيه
الحكم صبح تيك أواي
لو عايز قول أوكيه
و لو رافض قول أوكيه
في كلا الحالتين نوو واي
غير كودية و زار ينفعنا
لأنا عايزة بخور م الجاوي
و حمار أرمل و حصاوي
و دراع برغوت مش غاوي
تنطيط عفريت و مخاوي
شلة مقاطيع يقطعنا
حابس من شر الكرسي
من شر عزيزة و مرسي
من قرص النمل الفارسي
م الأحياء و الأموات
من كايرو إلى بغداد
أشتات أشتوت أشتات
حرصوا من لعب السيكا
م الحكشة و م البولوتيكا
و لا تشمت يوما فيكا
مارشيل بنت أم ماريكا
قول حاجة الله يهديكا
و ادعي معايا يخليكا
حلوا بقى عن أوجاعنا
و انصرفوا عليكوا اللعنة
انصرفوا عليكوا اللعنة
هههههههههههههه
انت الوحيد اللي عارف انا بتفرج علي مجلس الشعب ليه
ولا ايه؟؟؟؟؟؟؟
اهي حاجة الواحد يتلهي فيها
دور على التعديلات على الانترنت هتلاقي البنود الي اتعدلت و بعدين اكب عليها غاز ليه ما هى والعه والعه
نهــــــــــــاز
احسن ان معندكيش بطاقه انتخابيه..والله ملها عازه..يعنى انتى هتعملى بيها ايه..
------------------------
-------------------------
ريكـــــــــــا
ايه ده انتى اخدتى الصفحه كلها لواحدك
هههههههه
ولا يهمك يا جميل..ان شاء الله حتى تولعى فى البلوج كله..
حلوه القصيده دى
-------------------------------------------------------------------
سمــــــرا
المفروض تدورى على هوايه تانيه غير مشاهده جلسات مجلس الشعب..
صحتك بالدنيا
لان بعد كام جلسه هتبدأى تشربى سجاير وتتعاطى مخدرات
------------------------------
-----------------------------
ميمــــــــو
خليكى كده ماتجيش غير فى المصايب
ايه يا رأفت الشغل الجامد ده... بلوج جديد ونيولوك!! مبروك يا عم
:)
أنت رجعت تتكلم فى السياسة تانى وتعمل فيها رأفت الهجان!!! صحتك بالدنيا!! تعرف؟ العباسية مليانة بناس ياعينى كانوا عايزيين يعرفوا ماهية الدستور ده.. يعنى أنسان ولا نبات.. بيتأكل ولا بيتشرب
:)
بس جامدة الدساتير اللى أنت حاططها دى... وخصوصا الاخرانى الكوتشى اللى بينور ده
هههههههههههه
manal
ايدك طيب علي الهواية التانية
وانا امشي عليها
شكلك كدة هتودينا في داهية
والطريقة اللي هتيدهاني هتوصلني برضه للادمان
سجاير ومخدرات
دة انت قديم اوي
دلوقتي في حاجات ارقي من كدة
اعملك ايه مانت من عالم اخر
منال
كل تعديل وانت طيبه.. ايه رايك فى حزمه الدساتير
دا اتضح كمان فى نوع من القماش اسمه دستور..وهو من ارخض انواعها
حتى فى دى مالناش حظ
--------------------------
-------------------------
سمرا
كل واحد وعلامه..انا على ايامى الصياعى سجاير مخدرات..ما اعرفش على ايامك ايه؟؟؟
بجد
انا حاسس اننا شعب هلفوت لان مش عا رفين نعمل حا جه تكلم الو احد من دول البلد بتضيع ولا ع با له كل اللى بيجر اله شعبنا ده يستحق السحق لا ن محدش يعر ف ير كبك الا اذا كنت مميل وشعبنا مميل من زمان وعنده استعدا د وميل طبيعى ان اى حد ير كبه
سلا م يا عم الو احد منفو خ
اشطه يا عم الجحيم
انت جاى ترمى بلاك عندى ولا ايه يا عم
الحاج
سلامتك من النفخ يا محمد
ادعو الله ان تكون اسباب النفخ اسباب طبيعه ملهاش علاقه بالداخليه
و الله انت برنس
و اللى يقول غير كده هاتهولى
انا حره
انتى فين يا ست اللى كل؟؟؟؟؟؟؟؟
انا هنا يا ابن الحلال
وحشنى صوتك و انت بتهزقنى
:)
فين ايام خناقاتنا
ايام العز
Post a Comment