شمس النهار

(1)

شمس النهار زغدت ظلام الليل

وقالت قوم كفــــــــــــــــــــــــايه

جايبه الدفا ويّا الامــــــــــــــــان

والخيـــــــــــــــــــــــــر معــــايـا

*****

(2)

عطر الزهور من يمينى فى صف واقف

وغنى البلابل عن شمالى بصوته حالف

ما يخلى خلق من الخلايق قلبه خايف

*****

(3)

يالا بقى اصحى وقوم خلينى آخد مطرحى

وخُد معاك كل الهموم ويا دنيا قومى وصحصحى

*****

(4)

ونسيت اقول: تاخد شتاك ويّا الغـيــــــــــــــــوم

اصل النهارده يوم جميل والقلب مش محتاج هموم

*****

(5)

ياقلوب يا عاشقــــــــــــه ومغرمه من عمر عدى

قــــــطر السـنين عــــفّر ترابه وجِــــه وهدّى

اصـــــــــــــحوا لهواكم دا الظلام روّح وعدى

*****

حاله فريده

نيويورك فى 5 اغسطس 2007

Read More

Middle level management is dying

Department and assistants’ departments’ heads are not getting paid enough in the hotel business. If you are front office manager or assistant front office manager, you make less money than front office supervisor or front office agent. Same thing apply to so many other departments.
Managers don’t earn over time. They can work 15 hours day and they still get paid the same amount of money. In the other hand, supervisor and agents get paid double when working over time. In results to this, the highest turn over rate in a hotel position is in assistant manager or department heads. After spending a year or tow in a position, department heads move on to another company to become assistant division head and that’s where they start making some money.
A general manager of a luxury hotel once said that he knew that his hotel was a training background and he did not mind the high turn over rate!! He said I got my money worth!
How it make you feel, when I night cleaner or banquet waiter, or even a door man comes to you with a problem with his/her pay check, and when you look at the amount paid, you see that he/or she get paid 3 times more than the department head???

Read More

بــأمر الدكتــــور

ممنوع السجاير

ممنوع القهوه

ممنوع الشاى

ضحكت بداخلى وسخرت من علمه وشهاداته

فتلك هى هواياتى فكيف اعزف عنها

سألت سؤال خبيث وقولت له يا دكتور اشرب عصير ليمون وبرتقال

قالى آه ده يبقى كويس خالص

شكرته ومشيت بسرعه لا يقولى ابقى اشرب عسل نحل ولبن دافى

Read More

ريحه الحبايـــب

(1)

هفت علىّ ريحه من ريحه الحبايب

رسمت شفايفى ابتسامه قلب دايب

قعدت افكر فى اللى قلبى حبهم

وسألت نفسى عن اللى راح

وعلى اللى غـــــــــايب

*****

(2)

لمسه ايدين..ضحـــكه عنين

بترجعك عشــــــــــــرين سنه

بنت الجيران ..صُحبه زمان

وأيــام بريئه ملــــــــــــــــــونه

*****

(3)

ايه اللى غير كل حاجه فى يوم وليله

فرحه سنينا اصبحت ايام قليله

وبقينا كالطير فى السما مابيده حيله

غير زى مالريح يؤمره يرتاح له ليله

*****

نيويورك فى 1 اكتوبر 2007

Read More

يارب البحر ينشف

يارب

بقدرتك ياقادر

تنشف بحر اسكندريه وتخليه صحراء جرداء لازرع فيها ولاماع

علشان ترحمنا من الدخلاء اللى بيحتلوا البلد كل صيف وبيملوا كل رصيف

دول دلوقتى اتعلموا يحبوا البحر فى الشتا زينا

يعنى لا طايلنها صيف ولا شتى

انك على كل شئ قدير

االهم آمين

Read More

كــــل سنه وانت طيبين

Read More

وحى الكلمات

طول عمرى وانا اكره الاذاعه المدرسيه وطابور الصباح وموتى وسمى لما المدرس يقولى قوم اقرا قصيده او نشيد فى الفصل. وعلى رغم من تعلقى بالموسيقى الغربيه فى ايام ثانوى الا انى كنت اعشق الشعر العربى وكنت دايما اجيب درجات عاليه فى اللغه العربيه. كنت شغوف باحمد رامى وبيرم التونسى وسيد درويش واكره عبد الوهاب واحمد شوقى. بيرم التونسى خلانى احب الزجل وكتابه الاغنيه. وشوقى كرهنى فى شعر الفصحى وقوافيه. بدأت اكتب اغانى بسيطه واروح اقارنها باغانى بيرم وعاميه احمد رامى واموت على نفسى من الضحك. وقريت مره ان احمد شوقى زعل من احمد رامى لما بدأ يكتب لام كلثوم اغانى بالعاميه. وشوقى قال والله انى لاخاف على اللغه العربيه من عاميه رامى. قولت لنفسى تعالى يا عم شوقى وانا اجيب لك ازمه قلبيه. وفى احدى الايام اعلنت المدرسه عن مسابقه للزجل وللشعر. روحت وسألت الاستاذ عن شروط مسابقه الزجل واذا كان المتسابق هيقرأ ما كتبه اما م جمع من الناس؟ ام هيقدم كتاباته فى ورقه؟ اجاب الاستاذ المتسابق هيقدم كتاباته للجنه الادب بالمدرسه وان الاغنيه اللى هتفوز سوف تمثل المدرسه فى مسابقه الاداره التعليميه. حمدت ربنا لانى مستحيل اقرأ اى شئ امام حد ولو ولعونى بجاز مش هاقف اقرا اغنيه انا كاتبها امام لجنه. تقدمت للمسابقه باغنيه اسمها لو شوفتوا اسكندريه ده مطلعها

لوشوفتوا اسكندريه وجمال اسكندريه
والشمس ياناس بتحضن هواها المغربيه
هتقولوا عندى حق ادوب واعشق وارق
ماهو اصل اسكندريه ام المدن بحق

وفازت اغيتى بالمركز الاول على المدرسه والاداره التعليميه. وكانت مفاجأه للجميع خصوصا مدرس العربى بتاعى اللى كان دايما يقولى يا خواجه نظرا لكثره سماعى الاغانى الغربيه. بعد الفوز بهذه المسابقه اتشجعت للكتابه ودخلت مسابقات تانيه كتير باغانى مختلفه على حسب نوع المسابقه . والسنه الوحيده اللى قضتها فى الجامعه فى مصر كنت باكتب اغانى لكورال الجامعه. وفى الايام دى بس حسيت واتعلمت فعلا ان فى حاجه فى الشعر اسمها الهام. وانا دايما كنت اسخر من اللى بيقول لما الوحى ينزل عليه والكلام الفاضى ده. فى اغانى الكورال كان مدير الكورال يجى يقولى عوزين نكتب اغنيه عن كذا كذا وياريت تكون جاهزه بكره او بعد بكره. والحق اقول ان اكتب المطلع

ومستحيل الاغنيه اللى هو طالبها تخلص..الكلام بيطير. وفى اغانى انا كاتب مطلعها من 7 سنين وخلاص مش راضيه تتكمل واغانى تانيه بتنكتب فى 10 دقايق لما الوحى اللى انا كنت باسخر منه يكون موجود. اعتقد ان وحى الكتابه فعلا موجود وان كتابه الاغنيه او كتابه اى شئ ما هى الا حاله بتستفزك للتعبير عن هذه الحاله بكلمات وحروف

Read More

Expedia

This is my fourth hotel in New York City where I had problems with all Expedia reservations. Expedia cares about nothing but selling more reservations. They don’t care about making their customers happy.
Fourth quarter in New York City is the busiest quarter of the year. And so many hotels close out some rooms' type for Expedia, hotles.com, and price line. Expedia still sell these rooms types to their guests. For example, we close our double bedded rooms in Thanksgiving, and Expedia still sell their customers the double bedded room. So I have guests coming to the front desk with Expedia confirmation to double bedded room. The Expedia mentality is to sell whatever they can sell and their customer will fight at the hotel to get whatever he paid Expedia for.
I promise you, at my next job, I will allow ZERO Expedia reservation in my revenue numbers.

Read More

tesssssssssss

tessssssssssss

Read More

زاهى محتاس

فى حوار له مع مجله كوندى ناست ترافلر المتخصصه فى السياحه والسفر زاهى حواس جه يكحلها عماها. زاهى حواس هو رئيس المجلس الاعلى للاثار فى مصر ويعتبر اشهر واحد فى علم دراسه المصريات بعد العالم الانجليزى هاورد كارتر. المهم ان عم حواس فى رده على بعض الاسئله لخبط الدنيا خالص واتهم وزاره السياحه انها مش فاهمه قيمه مصر السياحيه ولو انى اتفق معاه فى هذه النقطه. الاجابه اللى زعلت منه الناس هو رده على السؤال ان مصر استقبلت السنه اللى فاتت 9 مليون سايح وده رقم قياسى؟ عمك زاهى قال ايه

قال : انه كان يتمنى ان مصر تستقبل 4.5 مليون سايح اغنياء!!! وطلب من وزاره السياحه انها تغلى اسعار الفنادق والمتاحف واضاف ان فى بعض المجموعات السياحيه بتصرف فقط الف دولار فى الرحله وهذه النوعيه من السياح المفروض يقعدوا فى بلادهم وما يجوش مصر.!!!! هو ده اللى قاله الراجل اللى قاعد على اعلى كرسى للأثار فى مصر. شوف قمه الجهل.!! المهم ان القراء بتوع المجله ما عجبهمش كلام عم زاهى محتاس مع ان كوندى ناست بتخاطب اغنى طبقه سياحيه فى امريكا يعنى معظم قرائها اغنياء ولكنهم لم يعجبهم عنصريه حواس الماديه. وانهالت الخطابات على المحرر اللى عمل الحوار مخاطبه عم زاهى محتاس ومعظم الخطابات كان مضمونها اشبع بمصر بتاعتك احنا هنعمل زى انت ما قولت وهنقعد فى بلادنا ولو عوزنا نزور مكان فى افريقيا هنزور المغرب
زاهى حواس ممكن يكون عالم فى الاثار الفرعونيه لكنه جاهل فى التسويق والدعايه والاعلان وغلط جدا انه يكون واجه السياحه فى مصر وللاسف هو ده الواقع. كل ما افتح قناه ه فى التليفزيون الاقى عم حواس قاعد يبح وحزق من زوره كأنه هيولد!! وشكله يخوف الناس والانجليزى بتاعه يفضح ويموت م الضحك

فى احدى شطحاته ونطحاته عم حواس قال ان توت عنخ امون مش من افريقيا ما هواش اسود وان المصريين لا هم عرب ولا افارقه!!! كسبنا صلاه النبى احسن. لا طولنا نكون افارقه ولا عرب . امال احنا ايه يا عم محتاس

Read More

Travel Agents

Can someone tell me why all travel agents eat while talking on the phone?

Read More

The Basic Principles for a Collaborative Workplace

I had a training session at my work place and we learned these 5 basic principles which are very useful:

1- Focus on the situation, issue, or behavior, not the person.
2- Maintain the self-confidence and self-esteem of others.
3- Maintain constructive relationships.
4- Take initiative to make things better.
5- Lead by example.
Try to use these every day, your work life will be very easy
The book we used is product of Achieve Global, Inc

Read More

القنصليه العامه فى نيويورك

القنصليه العامه لجمهوريه مصر العربيه فى نيويورك لا يوجد بها مكنه تصوير للمستندات. او بمعنى آخر اللى موجوده هناك عطلانه والاستاذ محمد لسه بيحاول يصلحها. يعنى اى واحد عاوز يقضى اى مصلحه يصور ورقه معاه قبل ما يروح. طاب ايه هو الورق المطلوب تصويره؟ ماحدش يعرف. لازم تروح تخبط المشوار الاول وتسأل وبعد كده تنزل الشارع تدور على مكنه تصوير وبعد ما تصور الورق ترجع تانى للقنصليه تاخد دورك وطبعا الورق هيكون ناقص؟ فهيقوللك كمل الاوراق وتعالى ؟ طاب ليه ماقولتليش من الاول وانا نازل اصور ان الاوراق ناقصه؟ ولما تجيب الاوراق الناقصه وتصور المتسندات المطلوبه وتروح تدفع هيقولولك معهمش فكه؟ طاب بتاخدوا كريدت كارد؟ لا كاش بس؟ تنزل الشارع تانى تروح اى محل تدور على فكه؟

ولما تطلع لهم فوق بالفكه علشان تستلم ورقك تلاقيهم قفلوا وروحوا

ايوه ما هو فى رمضان بيشتغلوا 4 ساعات بس

وفى منتهى الاسى بتحس انك لسه عايش فى سجل مدنى السياله رغم انك عايش فى نيويورك

وبتفوق ونجاح منقطع النظير استطاعوا انهم يخلوك تسب الدين وتلعن التمثيل الدبلوماسى وتحس فعلا بمصريتك

Read More