محطه القطارات فى تورونتو-union station
البرلمان
نافوره امام روجور سنتر
جامعه تورونتو
صوره كنيسه معرفش اسمها
صوره للقناه اللى موجوده بين نيويورك وكندا
متحف الجزم برده
متحف باتا للاحذيه_ آه عملوا للجزم متحف
Royal Alex Theater 
Roger Center
Roger Center-احد ملاعب البيسبول لفريق البلو جاىس تورونتو
Flat Iron Building
غيوم
إعلانات كاس العالم للشباب المقامه فى تورونتو كندا
اليافطه دى بتاعه كاس العالم للشباب اللى كندا مستضيفاه
الدنيا كانت بتشتى- صوره من العربيه
صوره البرج بالليل
CN Tower- Toronto+ الاوبرا
اى واحد عايش فى امريكا ما بيفكرش فى كندا على انها بلد مستقل بذاته..احنا بنفّكر فى كندا على انها
ولايه امريكيه.. وكندا بلد فى حالها لا بيها ولا عليها ... كندا لازلت تحت التاج البريطانى زى استراليا كده ... وكندا لها رئيس وزراء اقطع دراعى لو لقيت عشر اشخاص يعرفوا اسمه ايه.. وفى كندا مدن تتحدث الانجليزيه ومدن اخرى تتحدث الفرنسيه
ايام زمان قبل احداث سبتمبر كان كل اللى تحتاجه علشان تسافر كندا هو رخصه القياده فقط لا غير.. دلوقت لازم ناخد معانا البسبور .. المهم انا كنت فى زياره لكندا اليومين اللى فاتوا دول وبالتحديد تورونتو.. وهى مدينه جميله ونظيفه جدا وواسعه وتقريبا مفيهاش ناس كثيره اوى.. والناس اللى قابلناهم فى تورونتو كانوا فى منتهى الذوق .. وفى تورونتوا اغلبيه اسيويه ( هنود- صنيين- كوريين) معظم العرب اللى فى كندا تقريبا موجودين فى مونتريال
15 رأى:
حمد الله على السلامة
واضح ان الرحلة كانت جميلة
ياريت توصف لنا شوية اللى شفته
مش كفاية الصور
اصلي باحب أدب الرحلات قوي
احكيلنا عملت ايه من اول ماحضرت شنطتك لغاية مارجعت بالسلامة
حمد الله علي السلامة
انا بقي هتفسح في اسكندرية ان شاء الله كمان 7 ايام بأذن الله
حلو قوي متحف باتا ده
تصدق والله جامد جدا
بيفكرني ببحث عملته مع زملائي عن الاجهزة الصحية
وكان فيها تاريخها
و ازاي تطورت من حفرة لحد ما وصلت لمرحاض افرنجي بصندوق طرد واطي
هيهيهي
لك وحشة والله بجد
حمدأص للة على السلامة يا باشا ، واضح أنك أنبسطت ، على فكرة متحف باتا دة عاملاة شركة باتا بتاعة الجزم (أة و اللة) ماهو شركة باتا قبل مالمجحوم يأممها في عهد قراراتة الأشتراكية السعيدة التي لا ترتكز على أي مفهوم أقتصادي علمي و العلم الوحيد اللي بيدعمها هو علم فتح الصدر و ماتقدرش ، كانت شركة محترمة بتعمل جزم من نزعية جيدة (أعقد هي في الأصل شركة فرنسية شفت لها فروع في فرنسا و أنجلترا و ألمانيا و لها أيضاً فروع في معظم دول المغرب العربي) دة قبل مايتدهور حلها في مصر زي كل حاجة نتيجة للقرارات العشوائية الأشتراكية و تبقى أتخن حاجة بتعملها هى الجزم الكاوتش و الصنادل البلاستيك اللي تجيبلك بري بري و أستبحس.
على فكرة السفر لكندا و المكسيك لسة مسموح بة بدون باسبور حتي نهاية العام ، بسبب أخوانا في المواطنة المكسيكان اللي عملوا أوفر لودنج للسيستم نتيجة أندفاعهم لأستخراج باسبورات في اللحظة الأخيرة و بقى الباسبور اللي بياخد أقصى حاجة ست أسابيع عقبال ماتستلمة ممكن ياخد لحد ست شهور.
حمداللة بالسلامة مرة تانية ، سمعنا حسك.
ازيك يا زعيم
حمد الله ع السلا مه يا ريس
الصور جميله يا معلم
بس كنا عا وزين كا م صوره ليك نعر ضهم على كا م عر وسه
هههههههههه
سلا م
ناس ليها كندا و ناس تانيه النور عندهم بيقطع
:)
عموما بما انك خارج ارض الوطن الواحد يروح اسكندرية من غير ما حد يغلس عليه
واحشنى يا باشا
مساء الخير عزيزي رأفت جَريدهٌ المٌــهـــاجِر المَصَــرى ؛
حمدًا علي السلامة ياريس وكل رحلة قصيرة وأنت طيب ياراجل ياطيب ؛ أنت عارف يارأفت أن معظم المدن الالمانية الكبيرة مثل برلين ، فرانكورت ، دورتموند وميونيخ علي سبل المثال بها البرج الذي يدور وفي اعلي طابق له بيكون عادة المطعم يعني تاكل وتتمتع بمنظر البلد من فوق. علي فكرة معلومة للأخ أسامه / الافعي الحديدية: شركة باتا صاحبها من بلد كانت تُسمي حتي وقت قصير تشيكوسلوفاكا وجزء منها تسمي سلوفاكيا موطن صاحب باتا ولها كمان العديد من الفروع في معظم دول اوروبا وجودتها عالية.
عموما ياباشا حمدًا علي السلامة مرة تانية وكل تريب وانت طب
تحيات إسكندراني في بلاد الله الواسعة
بيلا الجميله
الله يسلم لك ..ويكرمك كده على سؤالك الدائم عنى..
هى رحله كانت قصيره..لان كندا يدوب فركه كعب..
هى بلد جميله ونظيفه..بس هاديه اوى..واخوكى عدو الهدوء..هاحكى لك لما نتكلم ان شاء الله
============
نهـــــاز
سلم لى على اسكندريه..انا عندى فنجان شاى وسيجاره على قهوه فاروق فى بحرى بالدنيا وما فيها
والله المتحف اسمه باتا بجد
===========
سمسم سمسم
هههههههه
صح والله يامان..المتحف فعلا تابع لشركه باتا بتاع الجزم اللى كان عندنا فى مصر زى انت ما قولت
ايه الاستبحس ده يا سمسم
ههههههههههههههههه
انا هاتصل بيك معلش مقصر..ده اول اسبوع لى فى الشغل..
ان شاء الله هاكلمك واديك التفاصيل يامان
انا خفت اسافر من غير بسبور..مش ناقصه قلق
=============
الجحيم
حمووووو..كام عروسه؟؟؟ ماشى يا عم محمد..انت غيرت نشاطك ولا ايه..وبقيت من اللى بيوفقوا راسين فى الحلال
هههههههه..باهزر معاك
وع العموم انا متكلمين علىّ بالعربى والانجليزى
=============
انا حـــره
ازيك يادكتره..وانت كمان وحشانى جدا..
وعلى فكره..رساله المحمول من مصر لنيويورك..بنص جنى بس..
هههههه
انت بتمومتى فى مكتبه اسكندريه
وبعدين كندا عندنا زى بنها عندكم
============
أسكندرانى
استاذ ممدوح..ازيك يا غالى..اولا شكرا على معلومه شركه باتا..هو اسامه كده بيحب يقلب علينا المواجع
المطعم ده كان جميل اوى..لانك مش بتحس بيه وهو بيتحرك..بس كل شويه تبص من الشباك تلاقى المنظر مختلف
بس كندا ممله شويه يا استاذى..هاديه ونظيفه والناس فيها ذوق قوى..مش سكتى
حمدالله على السلامة يارافت
انت معدتش على شلالات نياجرا فى سكتك؟
ان كنت عديت متنساش الصور
شركة باتا شركة احذية اصلا ايطالية ــ على ما اظن ــ كانت خدمتها ــ قبل التامين طبعا ــ ممتازة وجزمها رخيصة ومتينة
مستنى منك الو
جدو العزيز
عديت على الشلالات طبعا..بس زى ماتقول انا روحت كذا مره قبل كده والمره دى ما اهتمتش قوى
والله شركه باتا بتاعه مصر كانت اسوأ جوده ياجدو
هاكلمك بكره ان شاء الله السبت
تحياتى يا جدوا العزيز
رأفت، ألف مبروك علي الشغل الجديد مش تقول يا راجل؟ انا حامتحن في منهاتن يا معلم عايز ابقي اشوفك بقي يوم الاربع 25 بعد الامتحان ماشي؟
ده منظر بنها يا مفترى
انتو كده تاكلوا الناس لحم و ترموهم عضم
قول للحجه هروح اسكندرية اخر الشهر خليها تعملى حاجه حلوة بقى
:)
عمــــر
شد حيلك فى الامتحانات..انا مش عاوز اعطلك..ان شاء الله يوم 25 هاكون موجود فى نيويورك..هاستناك بره الامتحان..بحاجه ساقعه وشيبسى
==================
انا حره
ياسمين
روحى الحقى الحاجه بسرعه لانها جايه هنا قريب..فروحى بسرعه قبل ما تسافر وما تلاقيش حاجه تكليها
والله كندا عامله زى بنها كده
حمد الله على السلامة يا رأفت
عيشتنا معاك جو كندا
بس انا سبق وشوفت باتا دى بره مصر غير باتا اللى جو مصر خالص لازم يتعمل لباتا مصر متحف للجزم المعروضة لانها حفريات
متغبش علينا تانى
توتا
الله يسلمك..هى كندا كده ملهاش جو..يعنى بلد يعينى مظلومه..امريكا تقولها يمين وبريطانيا تقولها شمال..واهم عايشين فى حالهم
باتا اللى فى مصر على ما تذكر ايام ثانوى..كنا بنشترى منها جزم نلعب بيها كوره كانت الواحده يدوب تستحمل ماتش واحد وكانت بسبعه جنى..
انا عمرى ما شفت معارض لباتا خارج مصر الحقيقه..بس لقيت المتحف ده فى تورونتوا
حتى الجزم ملناش فيها بخت
يامسء الفل عليك يارأفت ياعزيزي؛
كان في زمان إعلان بيقول ما معناه: "
يا حبيبي باتا باتا متانة وخياطة ويا حنين علي الوسط يا أستك" ...
هو أنت ياباشا ماتعرفش معارض باتا الا في الاسكندرية؛ الله يخرب بيتهم البعدا عملوا منها مستودع للعقول المصرية أقصد البلاستونييييييييييل يباشا وسلم لي علي الزنوبه
تحيات إسكندراني في بلاد الله الواسعة
Post a Comment