لحد ما الواد
الرخم صاحبى يساعدنى تجميع كل الاغانى الفاشله. ها نناقش شويه اغانى وطنيه ... حاكم الاغانى الوطنيه دى هى سبب الخراب للى احنا فيه .. ايام الحرب نغنى.. ايام السلم نغنى .. لما ننضرب على قفانا.. نلبس اسود ونغنى.. لما نكسب ماتش كوره نغنى.. لما ا صبحنا احسن ناس نغنى على بعض
خد عندك دى من اغنيه اخترناه
لا هيدينى ولا يغدينى ولا فى مصلحه بينو وبيينى
غير لولادنا وحب بلادنا وعشان كده احنا اختارناه
اخترناه.. اخترناه
وفى لقائاته ببلدياته بينسى معاهم رسمياته
واما يحاسب حد يعاتب. ما سمعناش عن حد اذاه
وباقوله ورزفى على الله
ايووووووه ع الكذب يا جدعان.. ما سمعتوش عن حد اذاه خالص. ولا حتى واحد اتأذى... ياولاد الكذّابه.. احييييييييييييييييييييييييييييييييييييه
ودى من اغنيه يا جريد النخل العالى ميل وارمى السلام..اسمع الكلام
الراحه فيكى واحه.. مريحه وساحه خضرا
قادره على السباحه .. لو حتى الموجه غادره
راحه ايه وساحه ايه وخضرا ايه.. الناس دى باين عليهم ساكنين فى الملاهى... ما
سمعوش عن امن الدوله
والله لو كنت حتى مولود فى بير مسعود.. ما ها تعرف تعوم ولا حتى ترفص برجليك.. انت غريق غريق
الحل الوحيد معاهم انك تحصل لك معجزه غراميه زى عبد الحليم وتصبح تتنفس تحت الماء... بس برده هتغرق
46 رأى:
إيه يا عم الفضايح العنكبوتية اللي انت عاملها دي؟؟
ههههه
يا معلم انت بس تأشر، كلها بس تلتمية وخمسين صفحة لازم أقراهم ليوم الاتنين وبعدين حروقك
مش بأقولك بتذاكر يا عمر
بعتنى ببلاش.. انا قاعد اغنى هنا وانتى بتذاكر
حلوه يا شهروزه
طول عمرك مجدده فشر محمد العزبى..ان شاء الله هندور على اديها كمان حريه.. عند اى عجلاتى
هلا يا خويه
بقولك اه يا عم المنا ضل متنزلش مصر ولا كمان 3شهور ولا 3
سنين احسنلك مش عا جبك صا نع نهضة مصر العظيمه يا ض
جلالة الملك منفا خ الاعظم
الا تعرف ان مصر هى مبا رك ومبا رك هو مصر
يا عدو النفخ
هههههههههههه
حسبى الله فيك ياجحيم..
انا يا عم جيبت سيره حد ولا قلت اى اسم.. انت جاى ترمى بلاك على .. انا برد على حسن الاسمر..ومحمد العزبى ولطيفه
تصدق ان من كام يوم بدات قرات الرأفتاني بس ما تفهمش ليه مش عارف العلق يمكن علشان الاغاني اكتر من واحدة ولا هلشان انت فقري جدا ومش لاقي كلام احدفك بيه ومش عارف راح اقولك ايه ولا ايه ولا ايه ؟؟؟؟؟
بس بجد هايل هههههههههههههههه
عندك حق يا رأفت.. شكل جحيم كده عايزنا نقضى الليلة النهاردة فى القسم
:) :)
أهى أغنية اختارناه دى بالذات بتجبلى شلل نصفى يا رأفت.. أنا عندى اسمع العنب أرحم
أنا فى رأيى مفيش أغانى وطنية تستاهل تتسمع من بعد عبد الحليم وسيد درويش والناس الحلوة دى! الباقى كله يترمى فى أقرب بلاعة
يا بنى هم المصريين كده أى مناسبة لازم يعملولها أغنية حتى لو كان عيد السباكين
:)
manal
طبعا في موضوع علاقة الأكل بالغرام أو بمعني أصح التعبير عن معدة الحبيبة فهناك الكثير مما يحتاج تدخل الرأفتاني فورا، فأيام زمان كانوا المطربين جعانين جدا، أما الآن فقد أصبحوا مليونيرات وأصبح لديهم هوس بالأكل
فالحاج عدوية مثلا وصف حبيبته بأنها "فروت وأناناس" مع عدم تحديد مفهوم الفروت بالضبط، هل هي الفواكه المجففة؟ أم هي الجيلي بالفواكه؟ أم الفواكه المركزة؟ أم الفواكه المخلوطة زي الفخفخينا؟ وهل معني التعبير ان الفروت هو خليط من كل الفواكه فيما عدا الأناناس؟ طب اشمعني يعني هل الأناناس ابن البطة السودة مثلا فبقيت الفواكه قررت ما تلعبش معاه؟
أما المطرب إلي انا مش عارفه في أغنية "يا وله يا وله" فرغم جوعه الشديد إلا انه كان يتمتع بعقلية تجارية بحتة فكان ينادي علي حبيبته كما الباعة الجائلين حتي بدأ يستفز منافسه بائع التفاح ويقوله "فين تفاحك راح" مستغلا عدم وجود قانون لحماية المنافسة ومنع الاحتكار في هذا الوقت
أما كارول سماحة فماكنش عندها المشكلة دي لأن البيه ما كانش عاجبه الأكل فبالتالي كانت هي بتخلص الأكل كله، لكن واضح انها يوم الأغنية كانت طابخة سمك حمضان فالراجل أخد قطمة واحدة ونام زي البغل وهي جالها جفاف في البلعوم وقعدت تصوت وتقوله "ولا العطش إلي في قلبي ارتوي" وربنا يصبرنا جميعا
آه.. وكمان مش لازم ننسي درة أعمال خالدة الذكر سميرة سعيد "ياللي اديت لحياتي في حبك طعم ولون" وطبعا واضح جدا انها كانت بتحب واحد عطار.. أو كانت بتحب اتنين منهم واحد نقاش والله أعلم
مزاج
والله زمان يا مزاجى..زى والله زمان يا سلاحى..وحشتنا يا عم.. هاتصل بيك اليوم ان شاء الله
منال
الجحيم جى يأفلنا الدكان..عاوز يجيب درفها..
والعموم فى اغانى وطنيه جميله فعلا بس لحب مصر..مش زى الاغانى التانيه اللى كلها معمول كرد فعل لحاجه تانيه..زى يوم اغتيال المرحوم محمد الدره..كل الفنانين راحو لبسو اسود وعملو اغنيه ولو كان كل واحد منهم اتبرع بعشره جنى كان احسن
عمر الرخم
اتصلت بيك امبارح يا مان بس انت اماردتش وانا كسلت اسيبلك فويس ميل..
لا تسبق الاحداث فى موضوع الاغانى يا معلم.. بالذات موضوع معده الحبيب ده.....ههههههههه
ممكن اتفق معاك , بس فى الجزىء الخاص بالاغانى اللى بتمجد فى نظام أو فى حاكم , انما الاغانى اللى بتغنى لمصر بصرف النظر عن مين اللى بيحكم أو النظام , يعنى أغانى ولا بلاش أغانى دى , خلينا فى الشعر , اقصد الشعر اللى بيكون فى حب مصر ده انا اختلف معاك , لانه مهم جدا وتقبل تحياتى أخى
هانى
سعيد بزيارتك يا باشا. طبعا انا معاك ان الاغانى للى فى حب مصر ماحدش يقول حاجه فهيا.. مصر التى بخاطرى .. عظيمه يا مصر.. وغيرها.. لكن الاغانى اللى رحعتنا لعصر قريش بسبب النفاق والتمجيد هى دى المشكله.. احنا اصبحنا نحارب بالاغانى. ودى والله كمان مش عارفين نستخدمها صح..
عموما شاكر زيارتك وها ارودهالك دلوقتى
ومعلش ماعزمتش عليك بشاى واحاجه اصل عمر ومنال مش هنا علشان يعملو الشاى
يا رأفت سمعت عن واحد كان بيغني زمان في النص التاني من التمانينات أسمة صادق قليني .
Ironcobra
روح يا شيخ.. ربنا ينتفم منك...هههههههههههههههههههههه.. سمه قلينى بجد؟؟؟ولا اشتغاله..
انا لم اسمع عنه حيث انى من مواليد قانون الطوارئ
أة واللة العظيم الراجل دة عمل 3 ألبومات في تلات سنين من 86 ل 89 بس مافيهمش غير الألبوم الأولاني أسمة ربك هو العالم , الراجل دة أشتغل مع ناس فطاحل منهم الحاج اللة يرحمة و عبد الرحيم منصور و فؤاد حداد و طارق مدكور I managed to digitalized but I can't post it do you have a fix hock a brother up .
Ironcobra
ما ينفعش تبعتى لى ايميل ؟
و بعدين أنا بأدور على ألبومات فرقة الجيتس و فرقة المصريين أي مساعدة اللة يكرمكم .
أديني أيميلك بس المشكلة ان أنا عملتهم MP3 ومش عارف أقلبهم RM or RAM عندي برنامج يحول من RM or RAM to audio أي فورمات بس مش العكس .
r4rr2000@yahoo.com
بص لو بعتهوملك على هيئة MP3 هبعتهوملك على 4 ايميلات .
حد عندة البومات عمر فتحي .
Ironcobra
عمر فتحى
ههههههههههههههههههههههههههههههههههههههههههههههههههههههههههههههههههههههههههههههه
دا انتوا عيال ارخم من الرخامه
أية بس ياعم دة بقى كلاسيك دلوقتي ياعم أنونيمس .
أية ياعم رأفت وصلتك أول دفعة ولا لسة .
no
i did not get anything yet
ياعم بعتلك أيميلين باربع أغاني و الأتنين رجعولي من البوست ماستر مش عارفين يسلموهم .
بالنسبة للتصويت مافيش جميع ماسبق و لا أية .
Ironcobra
تصدق انت واد فقرى ههههههههه..فعلا التصويت بوكس محتاج جميع ما سبق.. ها احاول اصلحها
الاغانى لم تصل يامان..حاول تبعت واحده بواحده
أنا موجودة أهو... بصراحة بقى أنا وعمر كنا عاملين عليك مخطط استندال
:)
ماتقوم أنت تعمل للضيوف الحاجة... أنا مش سايبالك البن والشاى والعصير فى الدولاب؟ حاجة عجيبة والله
manal
يا منال
يعنى الراجل هانى يجى من اخر الدنيا وانت والمخفى عمر مش موجودين.. يأيت فى نص هدومى والله.. واتصل بعمر افندى فى التليفون مصدر لى الانسر ماشين..
المهم شفتى الاستفتاء بتاع اغنيه العنب فى الركن اليمن من الصفحه
رحت شفته وصوت فيه كمان... طبعا ده تاريخ بيكمل بعضه! دى حاجة مش عايزة كلام
:)
قرأت التعليق الى كتبتهولك عند عمر؟
manal
منال
شكرا على صوتك.. فعلا صوتك امانه..
لسه قارئ تعليقك عند عمر..والله لاهاجيب بنجر انتى حره..
وهاتى الاغانى اللى عندك.. دا انا مفسمهم دلوقت اقسام.. قسم للرخامه وقسم للمخدرات وقسم ليكى انت وعمر وقسم تانى خالص ل Ironcobra
لانه الحقيقه بيجيب اسماء عجيبه زى عمر فتحى وواحد اسمه سوقينى
ربنا ينتقم منكم جميعا
احنا وراك ان شاء الله لحد لما نخليك تقول حقى برقبتى
خليك بقى قاعد فى دول العالم الأول, ها؟
:) :)
سمعت الأغنية؟
manal
أنت رحت فين يا رأفت؟
سايبنى ملطوعة فى البلوج ساعة قاعدة مستنية ردك
ماعلينا... أنا هادخل انام بقى علشان تعبت وبكرة أبقى قولى رأيك فى الغنية الفظيعة دى ايه... بس يارب تكون ماتشلتش بسببها
:)
manal
طبعا جميع ماسبق دي بتاعتي أنا ياباشا.
منال
بعتت لى واحده راقصه اسمها بوسى سمير.. عاوزه تحط النقط ع الحروف.. وبعد الاستفسار وسؤال الناس الخبره .. قال لو لى ان بوسى سمير تتشاف ما تتسمعش..
والله يا جدعان مصر دى هتروح الجنه ببلاش علشان بعروره وبوسى سمير
قبل سعد الصغير كان فية زمان عربي الصغير دة كان مشهور في موقف المظلات .
و تعرف طبعا أسماعيل البلبيسي و فاكرين أسلام بكرة جاي و الا أبراهيم عبد القادر و كان فية واحد بيتنافس مع محمد فؤاد أسمة عصام حاجة مش فاكر باقي أسمة باضبط عملوا خناقة كبيرة على أغنية الشمس فاكرينها
هى مين الناس العجيبة دى يا
ironcobra?
والله أنا عايشة فى مصر من ساعات ماتولدت وعمرى ما سمعت عنهم!!! يمكن سمعت عن الأخ اسماعيل البلبيسى ده مرة... هو مش ده اللى بيغنى "من البداية يا دنيا بتحمل"؟ حاجة زى كده تقريبا
:)
رأفت... هو فين عمر؟ عملت فيه ايه يا رأفت .. قول؟!! ده يا عينى كان لسه فى ريعان شبابه
وبعدين من هيرخم عليك وهو مش موجود بقى؟
:)
وبالنسبة لطنط اللى عايزة تحط النقط على الحروف دى.. فأنت لازم تشوفها فعلا!! يا بنى دى مواهب
:) :)
manal
سمعتوا بقى عن أغنية ما هو أمريكاني .
رأفت باشا، أسفرت النتائج الأولية للاستفتاء الشعبي عن زيادة ملحوظة في شعبية حزب "ضرب الجزمة" وتحليلي الشخصي للموقف اننا كشعب مصري تأثرنا بشدة بطريقة تعامل عساكر الأمن المركزي وأمن الدولة مع المتظاهرين حتي أصبحت جزءا لا يتجزأ من الوجدان الشعبي.. وإلي اللقاء
eh ya gma3a..ento 2lbenha chatting room hena wla eh? :D
esh6a ya mohager..mahy kanet na2sa..tab belmonasba el s3eda deh mmken asma3 awel darba gawya fat7et bab el 7oryya? :D
عندى سؤال برئ
فى اغنية أخترناة ( طبعا كلنا حافظنها )بيقولوا "أدى أدى أدى أديها كمان "
تفتكر اقصدهم اية بأدى و أديها كمان؟
هى أية دية اللى يديها؟
تفتكر كان أقصدهم باللى انا بفكر فية؟
يا منال
ما تقلقيش على عمر.. زى القرد والله.اتكلمنى امبارح فى التليفون ورخم على برده..
ما تركزيش اوى مع الIroncobra.. ده بيجيب اغانى واسماء من اللى عفى عنها الزمن والله.. دا عيل حقنه بجد
عمر
اتفق معاك على نتائج الاستطلاع الاوليه..ربنا يسهل .. الا ستفتاء اللى جاى صعب شويه..
وئام
ايه السعاده اللى احنا فيها دى. زيارتك شرف لنا والله. واهل بيكى فى عالم الاغانى.. وهندور على اغنيه اول ضربه جويه.
معلش عمر ومنال مش هنا علشان يعملوا الشاى
Anonymous
طبعا يا باشا امال هم هيقصدوا ايه يعنى..
اصلا احنا العرب الوحيدين اللى بيغنوا لبلدهم
مقضينها اغانى بعيد عنك
و ياريت فى حد بيسمع
بقولك ياباشا
ملاقيش اغنية اخترناه عندك
ام بي ثري ؟؟
او اي حاجة
المهم لو عندك لينك ليها
ياريت تجيبهولي
واديها اديها كمان حرية :)
صادق قليني بيشتغل في فندق السلام في مصر الجديده كل يوم اربعاء في سوشي بار
Post a Comment