سألنى صديق جاهـــل عن معنى ومخزى ( الامين العام للجنه السياسات بالحزب الوطنى). وكنت انا فى غايــه السعــاده للاجابـــه عــلى هذا السؤال العويص والمعضل
فلجنه السياسات ما هى الا مجموعه من السياسات المتكامله للوصول والعبــور بسفينه الوطـــن الـى بـر الامــان والاستقــرار الاستــراتيــجى المتفاعــل مع المشروع القومــى لتطوير البنيه التحتيه والفوقيه لجامع سيدى المرسى ابو العباس وسيدى بشــر وسيدى جابــر ومركز شباب الانفوشى
فلجنه السياسات ما هى الا مجموعه من السياسات المتكامله للوصول والعبــور بسفينه الوطـــن الـى بـر الامــان والاستقــرار الاستــراتيــجى المتفاعــل مع المشروع القومــى لتطوير البنيه التحتيه والفوقيه لجامع سيدى المرسى ابو العباس وسيدى بشــر وسيدى جابــر ومركز شباب الانفوشى
.. ومن امثله هذه السياســات القاتله على سبيل المثال وليس الحصر
السياسه الداخليه لتطوير السياسه العامه للجنه السياسات بالحزب الوطنى
السياسه الخارجيه لتطوير السياسه الداخليه لتطوير السياسه العامه للجنه السياسات بالحزب الوطنى
السياسه القائمه
السياسه القاعده
السياسه النائمه
السياسه النائمه على بطنها (لاحظ الفرق بين دى والسياسه اللى فوقها علطول
السياسه النائمه على جنبها اليمين والشمال ( لاحظ الفرق ايضا بين السياسه دى والسياسه اللى فوقها
السياسه الصاحيه
السياسه المعتدله
السياسه الملتويه
السياسه الواضحه
السياسه الغامقه
السياسه المسموعه
السياسه الملموسه
السياسه المرئيه
السياسه المخفيه
السياسه اللى مستخبيه (لاحظ الفرق يبنها وبين السياسه المخفيه
سياسه الموت علينا حق
سياسه غطينى وصوتى
سياسه صوتى ياللى ما انتش غرمانه (لاحظ الفرق بين الصويت اللى فوق والصويت ده
سياسه رقصنى يا جدع على واحده ونص
سياسه يا ام المتطاهر رشى الملح سبع مرات
سياسه ادلع يا رشيـــــدى
سياسه سد الحنــــك
سياسه سد اســوان ( لاحظ الفرق بين السد ده والسد اللى فوق
سياسه السد العالى
سياسه الكعب العالى ( لاحظ الفرق بين العالى اللى فوق والعالى اللى تحت
سياسه هز الوسط
سياسه وسط البلد ( لاحظ الفرق بين الوسطين
واخيرا سياسه
سياسه ادلع يا رشيـــــدى
سياسه سد الحنــــك
سياسه سد اســوان ( لاحظ الفرق بين السد ده والسد اللى فوق
سياسه السد العالى
سياسه الكعب العالى ( لاحظ الفرق بين العالى اللى فوق والعالى اللى تحت
سياسه هز الوسط
سياسه وسط البلد ( لاحظ الفرق بين الوسطين
واخيرا سياسه
.........
ولقد اتبعت فى هذا التحليل السيــاسى سياسه البساطه والشفافيه والمصداقيـــه الخلابــــه لحب الله والوطــــن
ولقد اتبعت فى هذا التحليل السيــاسى سياسه البساطه والشفافيه والمصداقيـــه الخلابــــه لحب الله والوطــــن
مع تحيات الرأفتـــــانى السيـــــاســى
62 رأى:
ههههههههههههههههههه
موتني من الضحك
كل دي سياسات و احنا مش واخدين بالنا
و انا اقول البلد متقدمة جدا ليه
طيب ايه رايك لو تروح تطبع البوست ده عند اخونا بتاع مدونة مصر الجديدة عشان هو كمان يدلو لنا بدلوه
و يقول ايه المقصود بلجنة السياسات؟
و اهو منه نكمل ضحك بزيادة
سلامات يا سياسة سلامات
صحيح ايه هي السياسة النايمة؟
حفصــه
انتى والواد عمر بتطلعوا لى من تحت الارض..
المهم..فكره حلوه انى اروح اكتب البوست ده عند الراجل بتاع مصر الفتاه..,
على فكره دول شويه سياسات بسيطه من السياسات العويصه..
والسياسه النايمه اللى هى مش صاحيه يعنى..غير السياسه الغير قائمه
يا أخي دا احنا شعب حقود بشاااااااااااااكل !! أي والله العظيم
الناس كلها ضد الرااااجل مع انو يا كبدي متساق زيه زينا بالظبط !!!
أبوه صحي الصبح.. قال له ياواد يا جيمي أنا شفتلك منام ربنا يجعله من حدك ونصيبك ... قال سيدي البورنجي جالي في المنام بيوصيني عليك وقالي سميه مارنجوس الأول ... وشرف امي لاخليك ريس ..حط نفسك مكانه .. يقول لأ ؟؟؟ يبقى غبي ورفص النعمة اللي يرفصها يعمي
وعاصي لأبوه وانت عارف اخرة عقوق
الوالدين ايه !!
أه يا شعب عينه وحشه عايزين الواد يعصي ابوه علشان خاطركم ياحوش ؟؟؟ استغفر الله العظيم ...وهي يعني فارقة جمال مبارك ولا علاء ولا حتى اللواء عمر سليمان ؟؟؟ كلهم واحد تعددت الرؤساء ومصر حالها واحد...
ودقي يا مزيكا حزايني !
Barracuda
فينك يا عم..عاش من شافك..والله لك وحشه..
على رايك.. والله يعنى هو ابو الجيمس ها يعمل ايه يعنى
واى موسيقى حزاينى عاوز تسمع؟
ياريت تحدد..علشان كل الاغانى بأت حزينى واسود من قرن الخروب
نورت المهجر..وما تبقاش تقطع الزياره
دى ميزة الناس اللى مش بتشتغل
تقدر تضحك فى البيت من غير ما حد يتفرج عليها
الحمد لله ان الدكتور فى الصيدلية معندوش نت
كنت اتفضحت هناك
المهم عايزة اطمنك يا معلم
البوكس جايلك فى الطريق
احترس
من حكمدار مصر الحلوة لنيويورك
لا تخرج للشارع
الطريق فيه بوكس قاتل
الاستاذ شريف
يا مرحبه يا مرحبه..نورت المهجر يا استاذ..مع انك فى مهجر تانى برده
عامل ايه واخبار المانيا ايه..؟
يارب تكون بخير
تحياتى
انا حــــــــــره
خليكى انت كده حاطه البوكس ده فى دماغك لحد ان شاء الله مانروح فى داهيه..
وماتنسيش ان اسمك مكتوب كبير وعريض كده فى اول الصفحه.. ياعنى معانا معانا ان شاء الله
رأفت
الحقيقة مجموعة السياسات المذكورة تستحق التسجيل فى كتاب السياسات فى المالانهايات
هذا الكتاب يصف انواع السياسات المختلفة التى تمتد الى ما لا نهاية التى ∞درسناها فى الرياضة
تم حجز صفحة خاصة باسمك قابلة للاضافة والتجديد فمن الواضح ان السياسات المذكورة سوف تتطور لتأخذ اشكال متعددة متجددة حسب موضة العام والالوان ومواسم الفاكهة والحلويات ومناطق حظر التجول والمناطق السياحية والاثرية
ولكم جزيل الشكر
باب صفحة سياسة بلا حدود
تحياتى
يا سلام يا تـــــــــوتــا
والله عقلك ده يوزن بلد..فعلا انا محتاج صفحه سياسه بلا حدود دى..ربنايجبرك كده ويكرمك زى ما حليتى المشكله العويصه دى
لان فعلا السياسات دى متجدده ومتغيره زى جلد الثعبان والسلحفه..وعلشان اجمع كل السياسات دى لازم استعين بخبير فى الرياضه الجبريه..
ايديك معاى وان شاء الله هنكمل المشوار
من اجل حزب حر وصريح وشفاف وبسوسته من ورا
يا نـــــــــوران
الحاله بتاعتك موجوده فى لجنه السيــاسـات واسمــها
سيـــاسه التواهــان
تحياتى وشكــرا ع الزياره
batla3lak min ta7n elarad???? eish 7al mana fi elblog elli ganbak
bas bardoh 7agii wa askhafaf 3aleek w ageeb elwad omar ma3ayah
salam ya abou elsayasat
hhhhhh
استـــاذ شــريف
ومين سمعك...احنا النهارده عندنــا عاصف تلجيه..يعنى التلج ع الابواب
وفعلا احلى وقت بيكون اليومين دول لما الشوارع كلها بتكون بيضاء بلــون التلج والمحلات كلها متزينه باحلى زينه..
كل سنه والناس كلهــا بخير
حفصــه
انت عارفه انى ضعيف فى اللغه اللى انت اخترعتوها دى اللى فيها ارقام
بس اللى فهمته انك معندكيش مانع ترخمى زى عمر كده...
وتشرفى فى ايى وقت يا رخمه
فين التلج ده يا شباب؟ احنا هنا حنموت من الحر
انا عايش لوحدى يا استاذ شريف
عندى كام قريب كده ارخم م الرخامه اهم عاطين للدنيا ونس
والحاج والحاجه خلاص..ما بيحبوش نيويورك علشان زحمه..بيجو زيارات
epi
شكـــرا ع الزيــاره وكلمات التشجيــع الحـــاره
حج رأفت انت مش قد الكلام اللي انت بتقوله ده يا باشا... وبعدين متقوليش مواطن أمريكاني ولا حلواني.. كله محصل بعضه يا حبيبي
كل يوم قبل النوم تقول عشر مرات
أنا مش معارض وطهقان
أنا مبايع واهبل
أنا عايز مصلحتك يا رأفت ياخويا
عمـــــــــــر
يعنى انت شايف كده يا رفيق السوء..
اقلب مبايعه وتأييد ؟؟
هههههههههههه
عبقري فعلا انك قدرت تحفظ كل انواع السياسة ده
ربنا يعينك
في الجوون صراحة
تحياتي
بنـت سعـــد
اهلا بيكى ..منوره والله
لا دى فى سياسات تانيه بس مش ظاهره لسه.. ادينا بندور والله المستعان
نورتى المهجر
انا روحت عندك الصيدليه بس انت لسه ما كتبتيش حاجه جديده
اول ما دخلت عندك لقيت مليون بلوج فى البروفيل بتاعك لحد ما اتقرعت من كتر شد شعرى عشان اعرف انهو فيهم اللى بتكتب فيه دايما
الحمد لله بعد ما ركبت بروكه قدرت اعرف فين البلوج اللى بتكتب فيه
بجد دهشنى اسلوبك اللى بجد ممتع انا بحب الطريقه دى اوى فى الكلام
للاسف انى مشفتش البلوج بتاعك الا دلوقتى بس
كل سنه وانت طيب وربنا يرجعك بالسلامه لاسكندريه
كـــات آيــز
الف شكر ع الزياره..والنبى فرحتينى كده لما الاقى حد من اسكندريه..
معلش البلوجات دى كانت من ضمن مشروع من مشاريع الجامعه.. يالا الحمد لله ان شعرك رجع تانــى
نورتى المهجر وسلمى ع اسكندريه لحد شهر فبراير..
تحياتــى
مش بقولك أنت مش هتجبها لبر؟
لا... كده أحسنلك فعلا تيجى مصر متنكر.. ولا أقولك.. ألبس طاقية الاخفا
:)
بس على فكرة أنت ماقرتش كويس لأن فى سياسات كتيرة ناقصة
مثلا زى
سياسة مطرح ماطحت راسك حط رجليك
سياسة اشرب من البحر
سياسة فوت علينا بكرة
سياسة من تنتن لتنتون يا قلبى ما تحزن
سياسة مد لحافك على قد رجليك
وأخيرا
سياسة العنب العنب العنب
ثانيا: أنت بتغيظنا أكمن عندك تلج؟ ايه يعنى... ما احنا برضه عندنا طين
وقريبا أن شاء الله هيفتتحوا الدورة الخامسة لرياضة التزحلق على الطين
:)
manal
اهلا يا منـــــــــــال
انا قلت انك مش هترخمــى بعد الكلمتين الحلوين اللى فى البلوج بتاعك
بس الظاهر انى كنت باحلم وان الرخامه فى الدم..زى الاكسجين كده
انا فخــور بيكى جدا يا منــال انك لقيتى كل السيـاسات الناقصه دى..ولسه والله فى ناس هتجيب حاجات تانيه..يا ما فى الجراب سياسات..
وده اسمه سياسه الاستكشاف الترخيمى..برده تبع الحزب الوطنى..الاخضر ابو دم خفيف
ربنا يخليك زيارتى للبلوج بتاعك بستطنى اوى والله
انت فعلا من اسكندريه؟؟؟
عموما اسكندريه جميله وهتنور فى فبراير لو جاى ربنا يرجعك بالسلامه
بس انت بتعمل ايه فى اميكا بتدرس يعنى ولا بتشغل؟
اسفه على تطفلى بس جنانك شدنى
أنت بتقول فيها... طب ده أنا لسه جاية من عند الدكتور دلوقتى علشان كنت عاملة تحليل.. تخيل لقيت نسبة الرخامة ناقصة فى الدم؟ أكيد أنت حسدتنى
ثانيا مش عايزاك تتعود على الكلام الحلو ده... ده بس علشان العيد قرب مش أكتر
:) :)
manal
عيد ايه ياخوانا الي قرب؟ دا الثانكسجيفينج كان لسة الاسبوع اللي فات
صباح الفل يا عمر!! العيد الكبير... هو أنت شارب حاجة أصفره قبل ماتيجى؟
:)
manal
منال لامؤاخذة اصل انا اتأمركت خلاص
رأفت: بتهبب ايه في مدونة اللي ما يتسماش بتاع الشفافية؟ حدور وراك بقي ألمك من علي المدونات؟ عيب كدة انت كبرت علي الحاجات دي
عجبتني قوي سياسة سد الحنل و السد العالي و الكعب العالي ... بجد البوست ده رائع
أعجبي شرحك
كــات أيــز
ايوه يا ستى انا سكندرى بلا فخر
وعايش هنا من زمان خالص..
على اى حال لما اجى ان شاء الله الاجازه الجايه نبقى نتقابل..
تحياتى
عمـــر واللى ارخم منه منـــال
منورين والله .. وبطلوا عراك بأه انتوا مولدون فوق روس بعض
نسبه الرخامه قله عندك يا منال انا حسيت بكده..ما كنش داعى تروحى للدكتور وتضيعى فلوسك
يا عمر
ايه رأيك فى الراجل بتاع الشفافيه والمصداقيه..
انا قلت اروح ارازى فيه شويه
والله يا عمر ما اعرف العيد الكبير امتى..خلاص احناتوهنا يا مان
ســـاره وهلوســه اخر الليل
نورتى المهجـــر... فى سياسه تانيه اسمها سياسه شد الحبل..بس لسه مش ظاهره
اخبا ام مريم ايه...هههههه
-------------------------------
tazart
نورت المطرح وشكرا ع الزياره نردها فى الافراح ان شاء الله
عندك حق والله يا عمر... أنا ماروحش مدونة الا لما الاقى تعليق لرأفت ملطوع هناك... مش عارفة ايه الناس الفاضية دى يا بنى؟
أرخم من عمر؟ والله يا رأفت ده لقب أعتز بيه جدا.. وكفاية أنى بطبقوا عليك
:)
وبعدين أنا وعمر أحرار.. نتخانق.. نقتل بعض.. براحتنا يعنى!! مش كده يا عمر؟
manal
منال معلش أصل رأفت مش لاقي حد يتخانق معاه في نيويورك.. ابقي اتعرف علي عم برعي اللي في الفيفث افينو يا رأفت وهو حيظبطك
وبعدين يكفيكي فخرا يا منال انك بقيتي ارخم مني ودة شرف لو تعلمين كبير
طبعا طبعا يا عمر
*منال تنحنى احتراما لعمر*
:) :) :)
manal
هو حصلت انك تتكلم كمان على السياسات ولجانها ومحاسيبها
انت بتزن لية على خراب مالطة
ماهى انخربت خلاص
بس نسيت انت سياسة الشفافية والتقشف والتشقق ودي بتحتاج كريم ايفا بالجلسرين
على فكرة انا بهزر لا تفتكرني مقريتش البوست برضة زي البوست الفات
والفات فية شبة من بتاع الوقتي بما ان الاتنين
انا رديت فيهم
تحياتي على ابداعك المعتاد
هههههههههههههههههههه
روعه ياباشا
مقدرش اقول غير كدااااا
:)
:)
:)
:)
:)
تحياتى
عمــر ومنــال
اتلهـــوا انت الاتنين..دلوقت حبايب وصحاب...وبكره تيجى تعيطوا لى من
يا رب يعنى سعيد بسعيده
جتكم نيله مليتوا البلد
الزعيمة
نورتى وشرفتى كالعاده
ويا باشا تهزرى ولا بجد..خدى راحتك البيت بيتك
حلوه حكايه سياسه القشف والجلسرين دى
ههههههههههههههه
-----------------------------------
FrEe.PhArAoH
عاش من شافك يا حاج
منور والله
ربنا يخليك على ذوقك
نعيطلك من ايه بالظبط يا عم رأفت؟ مش عارف تكتب جملة مفيدة يا عم الحج ولا إيه؟ ابعتلك كتاب علم نفسك العربية في ساعة إلا ربع؟
وبعدين أيوة يا أخي اصحاب مضايق نفسك ليه اوي كدة؟ جتكم البله مليتو الإيست كوست! (الي هوة الشرقي يا رأفت (مش الغربي
ايه يا عم رأفت القفش دة؟ يا معلم انت لو مجيتش البلوج عندي حقفلها.. تبقي ملهاش لزمة يعني
:)
خلاص يا عم حقك عليه.. حعزمك عند الحج برعي المرة الجاية لما اروح نيو يورك
وانتي يا منال ، يا صالحي عمو رأفت وهاتيلو شوية بنجر
:)
ازيك يا خويا
انا حا لف اكون الخمسين
طو ل لسا نك كمان
واتكلم فى السياسات
جيلك يوم
بس اوعى تقو ل على اسمى او انك تعرفنى
انا مش ادك
يا منا ضل
هههههههههههههه
حاضر يا عمو عمر.. هو احنا نقدر برضه على زعل عمو رأفت؟ أمال هنرخم على مين؟
انا هروح أدور على أحلى بنجر وهاجيبله بنتجرتين :)... ولو لقيت عنب هبقى أجيبله 2 كيلو بالمرة
:)
manal
الجحيم هو الحقيقه
منور يا ابو الجحمحم
يعنى انت مستنين لما اقول على اسمك..ما انت كده ضــايع ضايع...
I'm baaack .
كوبرا: انت فين يا عم الحج دوختنا عليك... عمك رأفت خلاني رحت فيرجينيا لفيتها قسم قسم، ومديرية مديرية
حمد الله عالسلامة يا ريس
بعتك ياباشا أنا كنت في ميريلاند بس برضة عديت على فرجينيا و دي سي في السكة اللة يسلمك .
رأفت... أنت زعلت بجد ولا ايه؟
يعنى مثلا عايزنى أجيلك أمريكا أصالحك؟ معنديش مانع... بس على حسابك
:) :)
شفت يا عمر... أهو مرضيش يأخد البنجر والعنب.. مش مشكلة, ناكلهم احنا
ثانيا أنت مالكش غيرنا.... قصدى احنا مالناش غيرك يعنى
:) :)
manal
Ironcobra
سمسم
انت فين يا عــــم..والله قلقنا عليك خالص..وخصوصا لما بعت لك ايميل وانت ولا عبرتنى..المهم حمدلله ع السلامــه
منال
ما تشغليش بالك بموضوع البنجر
المهاجر
بعد اذنك ولو انه مش من طبعى التطفل الا انى استأذنك ارد على شريف الصيفى فى سؤاله
المدونة ليست مختفية انما اعرف انك قصدت خاوية
لماذا؟
هى خاوية من التدوينات لكن هى مليئة بالتعليقات
التعليقات على الصمت والذى نظنه احيانا اكثر تعبيرا من كلمات كثيرة
هكذا يكون الصمت حين لا يصبح للكلمات فى حياتنا اثر
الصمت حالتى لا عن استعلاء او استحياء عن انتظار حين يكون لكلماتى صدى
اعتذر مرة اخرى يا مهاجر عن استغلال مدونتك فى الرد
توتــــــــــــا
انت تردى على اى حد فى اى وقت..المهجر بيتك..
اصل شريف مش زينا لسه مايعرفش المخزى من انك سايبه المدونه بتاعتك فاضيه..
هااااااا تصدق انى كنت بتساءل عن المناصب دى و بيعملو فيها ايه و و بنستفيد منها اية و حقيقا انت محيت اميتى السياسية
تعيش و تفهمنى سياسة البلد
بس فيه حاجة " الاسئلة اللى حضرتك كاتبها between brackets"
مش عارفة اجابتها ممكن تعمل موضوع جديد تشرحلنا الاجابة بالتفصيل
و شكرااا
ما عليــنا
انت شكلك زكيه ونبيه وفطينه وسابقه الجيل بتاعك
لان البوست اللى جاى ان شاء الله هيكــون فيه الحلول والجابات
وكل ما ترغبون
تحياتـــى
نسيت انت سيايه , يا بخت من وفق راسين فى الحلال , ولا دى سياسه ماما سوزان صحيح
وتقبل تحياتى
"انت شكلك زكيه ونبيه وفطينه وسابقه الجيل بتاعك"
ايه ده عرفت منين ؟؟؟ هو باين عليا اوى كده :)
waiting 4 the new topic isa
على فكرة هيا الحرارة اللى عندى هيا السبب مش طبيعى يعنى
ما علينـــا
الذكاء والفطنه انا شفتهم من سؤالك لان بحد والله اللى البوست اللى جاى عن الحلول الرافتانيه للازمه السياسيه..
هههههههههههه
-----------------------------------
----------------------------------
هـــانى
انت فين يا هـــون
فعلا زى انت ما قلت سياسه يا بخت من وفق راسين فى الحلال ده سياسه ماما سوزان بس فى ناس كتير متبعين السياسه دى ..زى قـــرنى مثلا..
نورت المهجــر
انا حاولت ازور egypt time
كذا مره بس الظاهــر فى مشكله..ابقى قولى ايه الاخبار..علشان ابا بعت لك ايميل من كام يوم برده
tab esh6a gedan..e7na 3'r2anen syasa aho..shoft eldomcracy b2a!!:D
ya7'e ...maynf3sh kida :D
وئـــــــــام
ايه الاخبــار
طبعا احنا غارقنين سياسه.
ودى اسمها سياسه تحديد النسل..
عاوزين يموتوا الشعب كله بالسياسات..
الصديق العزيز رأفت
أشكرك على السؤال وعلى مشاعرك الرقيقة ,الحياة تتحرك أسرع منى كثيراً وكما تعلم فأن حسب الكابتن أينشتين فالسرعة تتناسب عكسياً مع الزمن .
سعيد بالتواصل مع شخص مثلك وربما نتلاقى هنا أوهناك
تحياتى ومحبتى
عـــــــــــلاء
ايه الاخبــار يا عم
ما تغيبش كده فى ناس بتقلق
يارب تكون بخير..انا عارف المشاغل
ربنا يكون فى العون يا مان
Post a Comment