قعدت اشخبط بالقلم طلعت لى ضحكه ضحكتها فيها المراره والالم بس المهم... ضحكتها
اوعى تنسى كلمه
كات بينك وبينى
***
اياكى تنسى ضحكتى
او دمعه فرت يوم فى عينى
***
وان كان علىّ عمرى ماانسى
ذكرى فرحك ولا جرحك
ولا اسرار العباد اللى
عايشه فى جوه بحرك
***
وكفايه اكون من ضمن
كام اسكنـــدرانى
مهما الزمان خدهم
فى يوم هيعودوا تانى
راجعين فى حبك يكتبوا
دوواين اغانى
***
معقول يكون بعدك حبيب
وانت الحبيب الاولانى
عندما يرادونى الحنين لشوارع نيويورك وانا اتسكع فى شوارع بحرى بالاسكندريه واجلس على بعد خطوات من قهوه فاروق
اذن انا مهاجر حتى النخاع
.. سالت نفس الف سؤال
وقولت لنفسى اكيد فى حاجه غلط
لكن الاسكندريه اصبحت نفسها غريبه واصبح هناك الف اسكندريه داخل الاسكندريه
الشوارع الجميله ذات المبنى المعمارى الراقى كسرت والفيلات القديمه اصبحت مهجوره والخطوه القادمه اصبحت معروفه .. برج سكنى ضحم على اطلال التاريخ
اصبحت الاسكندريه نفسها ذكرى غير سعيده لمن عاصرو ايامها الحلوه
Raafat Rohaiem
