(1)
ولّى النعم :
صباحك شريف .. نهـــارك لطيف
يا حامى الحمى .. يا شهم وعـفيــــف
(2)
يا عايشين فى خيرك .. يا شقيان لغيرك
وع القــــــــــلب قاعد .. كأخّــف ضيــــف
(3)
يا نسمه عليله .. ومجـمعنا عيـــــــله
كضى القمر .. فى ليـــله خـــــريف
(4)
ده مين اللى ده يــستر .. يقولك بنشحت
وشعبك فى عهدك ..ما لاقى الرغيف
(5)
ولا شفنا مره .. عيال فى الشوارع
يشموا السبرتو... ونايمين ع الرصيف
(6)
عدالتك بتخَرس .. آلاف الالـــــوف
وعمرى فى عصرك .. ما حسيت بخوف
(7)
آلهى يطــّول إلينا .. فى حيــــاتك
ويرزق ولادك .. ويستر مراتك
وأجيلك أبارك .. وأعيّد وأهــنى
وع الكرسى قاعد .. ولد من ولادك
(8)
نزاهتك حكايه .. جميع الألســـنه
وشاهدها عليها .. 28 سنــــــه
تعيش بس إنت .. وفى داهيـــــه أنا
******
نيويورك فى مايو 2008
