(1)
يمكــن اعود تانى لحضنك
واكتب فى حبك اغنيــــــه
دا مهما كان انا برضه ابنك
حبك بيتحكـــّم فــــــــىّ
(2)
بأبعد وأقول مش هارجع لك
تضحك دموعى وتسمـــع لك
وحنينى ليكى بيشفـــــــع لك
انسى القسى يا بلدى علــــــىّ
(3)
البلبل الفرحان غنى
وقالى احلم واتمنى
دى بلادنا حته من الجنه
بس الغريب واكل خيرنا
(4)
يا شمس بلدى ليلك طول
وحبى عُمـــــره ما يتحول
فى صفوف حبايبك انا الاول
وشاهــــد ادانك ع المدنـــــه
نيويورك - يونيو 2008
